07 جے مجیٹھیا بے قصور ہے تاں سی بی آئی جانچ توں ڈر کاہدا

چنڈی گڑھ، (بھلر)-پنجاب کانگرس نے شرومنی اکالی 'تے حملہ بولدیاں ڈپٹی مکھ منتری سکھبیر سنگھ بادل نوں شرم کرن لئی کیہا ہے اتے سچائی ساہمنے لیاؤن لئی ڈرگّ ریکیٹ دی سی. بی. آئی. جانچ کرواؤن دی چنوتی دتی ہے۔

اتھے جاری بیان 'چ پنجاب پردیش کانگرس کمیٹی دے میت پردھان رندیپ سنگھ نابھہ، سرندرپال سنگھ سبیا تے سی. ڈی. سنگھ کمبوج نے اکالی دل دے آگوآں ولوں پردیش کانگرس دے پردھان پرتاپ سنگھ باجوا 'تے لائے دوشاں 'تے پلٹوار کردیاں اس نوں غلط ٹھہرایا اتے اسنوں ڈرگّ ریکیٹ معاملے 'چ مال منتری بکرم سنگھ مجیٹھیا دی شمولیت توں دھیان بھٹکاؤن دی چال قرار دتا ہے۔ اوہناں کیہا کہ کانگرس پنجاب 'چ ڈرگّ مافیہ نوں پرموٹ کرن بارے اکالی بھاجپا سرکار نوں اپنی ذمہ واری توں بھجن نہیں دیویگی۔

پردیش کانگرس دے میت پردھاناں نے کیہا کہ باجوا اوہناں 'تے لائے گئے دوشاں 'چ سی. بی. آئی جانچ دا ساہمنا کرن لئی تیار ہن۔ مکھ منتری پرکاش سنگھ بادل نوں اک سدھارن سوال دا جواب دینا چاہیدا ہے کہ کیوں اوہ سی. بی. آئی. جانچ توں ڈر رہے ہن؟ جے مجیٹھیا بے قصور ہن، تاں اوہ صاف باہر نکل آؤنگے؟ بادل اصلیت ساہمنے آؤن توں ڈر رہے ہن۔ اوہناں نے بادل نوں 2002 توں 2007 وچالے کانگرس پارٹی دے شاسنکال سمیت ڈرگّ ریکیٹ دی سی. بی. آئی جانچ کرواؤن دے آدیش جاری کرن لئی کیہا ہے۔ سی. بی. آئی. دی جانچ 'چ سکھبیر سنگھ بادل تے مجیٹھیا دے اینّ. آر. آئی. دوستاں نوں وی شامل کیتا جانا چاہیدا ہے، جنہاں دے جانچ دوران ناں ساہمنے آئے ہن، پر پنجاب پولیس نے اس بارے جانچ نہیں کیتی۔

اوہناں کیہا کہ پنجاب پولیس ولوں ڈرگّ ریکیٹ دا پرداپھاش کرنا اکالی بھاجپا سرکار دی کوئی پراپتی نہیں ہے، سگوں ایہہ دلی پولیس ولوں اک ہور ڈرگّ سمگلر راجا کندھولا نوں قابو کرن توں بعد کیندری ایجنسیاں ولوں ڈرگّ وپار 'چ شامل وڈیاں مچھیاں نوں پھڑن سبندھی کاروائی نوں روکن دی کوشش سی۔

پنجاب کانگرس دے آگوآں نے سکھبیر نوں یاد دلایا کہ جگدیش بھولا پچھلے پنج سالاں توں موہالی دے فیز 10 دے اک گھر 'چ رہِ رہا سی، جتھے اوہ نشیاں دا اتپادن تے اوہناں نوں سٹور کر رہا سی۔ چھاپاماری دوران اسدے موہالی ستھت گھر توں 100 کروڑ روپئے دے نشے برآمد کیتے گئے۔ کی کارن رہا کہ لوکل پولیس نوں جگدیش بھولا دیاں گتیودھیاں بارے بھنک نہ لگی، جدکہ اوہ نشہ تسکری دے معاملے 'چ دو وار جیل جا چکا سی اتے اسے کارن اسنوں پولیس فورس توں برخاست کر دتا گیا سی۔

ایہناں سالاں دوران بھولا آزاد گھمدا رہا تے سینئر پولیس افسراں نال ملاقات کردا رہا۔ جون 2013 'چ اک باکسر تے پنجاب پولیس دے ہیڈّ کانسٹیبل رام سنگھ ولوں کیتے گئے خلاصے توں بعد ہوئی اک اینّ.آر.آئی. انوپ سنگھ کاہلوں دی گرفتاری ہون توں مگروں اوہ چھپ گیا سی۔ رام سنگھ ڈرگّ سپلائی چین دا حصہ سی اتے اولمپکس 'چ تامبے دا میڈل جتن والے وجیندر سنگھ نوں نشے سپلائی کرن لئی وی ذمہ وار سی۔ ایہناں سالاں دوران سکھبیر کول گریہہ وبھاگ دا چارج وی رہا ہے۔

پردیش کانگرس دے آگوآں نے کیہا کہ صرف اک سال پہلاں دلی پولیس نے اک نامی ڈرگّ تسکر راجا کندھولا نوں ہریانہ توں قابو کیتا سی، جسنے پنجاب 'چ لدھیانہ دے دوراہا نیڑے سنتھیٹک ڈرگّ دی فیکٹری چلائی سی۔ اسنے اک کیمیکل انجینیئر نوں نوکری 'تے رکھیا سی، ٹیسٹنگ لیبورٹری تے ہورناں دیشاں 'چ نشیاں دی سپلائی چین ستھاپت کیتی سی۔